أحمد خليل: زوجتي الألمانية فلاحة شاطرة خلت حياتي سعيدة
قال الفنان أحمد خليل، إنه يعيش حياة سعيدة مع زوجته الألمانية هايدي، لافتًا إلى أن الاحترام المتبادل طوال الوقت أساس سعادته الزوجية، مردفًا: "أمي اللي جوزتني مراتي الألمانية هايدي.. ومشفتش حد في الدنيا بيحب مصر زيها، وتوديني أماكن عمري ما رحتها في مصر".
وأضاف خلال لقائه ببرنامج "الستات ما بيعرفوش يكدبوا"، المذاع على قناة "سي بي سي"، أن زوجته الألمانية تحترم الطقوس الخاصة لعمله، متابعًا: "زوجتي فلاحة من ألمانيا وبتعمل صندوق زبالة للحاجات العضوية عشان نعمل منها سماد.. زوجتي بتقرا وبتشتغل تريكو وبتتفرج على التليفزيون في نفس الوقت.. ومفيش بيننا نقاش كتير وده اللي مخللي الحياة مستمرة.. وده الفرق بين الأجنبية والمصرية".
