وائل رياض: منع جيلي من الاحتراف سبب عدم صعودنا لكأس العالم

شرح وائل رياض لاعب النادي الأهلي السابق ومدرب الإنتاج الحربي الحالي، أسباب عدم صعود جيله لكأس العالم والأسباب التي أدت إلى صعود الجيل الحالي لمونديال روسيا 2018.

ونشر شيتوس صورة لجيله وأخرى للجيل الحالي عبر حسابه الشخصي بموقع التواصل الاجتماعي "فيس بوك"، موضحا أن الأسباب تكمن في منح فرصة الاحتراف للاعبي الجيل الحالي في الوقت الذي منع هو وزملاؤه من منتخب الشباب الذي حصد برونزية الأرجنتين 2001 من الاحتراف الخارجي.

ونشر شيتوس قائلا: "الصورة اللي تحت صورة منتخب الشباب اللي كنت فيه وقدرنا نحقق إنجاز تالت العالم في الأرچنتين وجالنا بعدها كلنا عروض احتراف من هنا ومن هنا ومن كل مكان لدرجة إن أنا شخصيًّا جالي عرض احتراف من فريق روساريو اللي بيلعب في الدوري الأرچنتيني لكن معظمنا الأندية مرضيتش تخليهم يحترفوا ولا يسافروا وبطبيعة الحال مبقاش فيه اهتمام بالجيل البرونزي اللي كان ممكن يكون في كأس العالم للكبار لو اتحافظ على لاعيبته صح والدولة خليتهم مشروعها اللي تستثمر فيه".

وتابع: "الصورة التانية بقي صورة منتخب الشباب بردو اللي عمل شغل كويس في كولومبيا بس الفرق أن الأندية أدت فرصة للعيبة بتاعتها إنها تحترف ويكتسبوا خبرات تانية مختلفة علشان كده الجيل ده هو اللي ودانا كأس العالم".

واستطرد: "اللي عايز أقولو إن البداية دايمًا من عند منتخب الشباب حتى كأس أفريقيا اللي أخدناها ٣ مرات كان معظمهم من جيل منتخب الشباب اللي لعب في الإمارات ٢٠٠٣ وحظهم الحلو إن اللي مسك المنتخب الأول كابتن حسن شحاتة (مدرب منتخب الشباب) اللي اعتمد على لاعيبته مدعمين بلاعبين كبار.. من الآخر عايزين اهتمام بمنتخبات الشباب والناشئين علشان نروح كأس العالم كل ٤ سنين وجيل يسلم جيل".