الإخوان : من الليلة دي ما فيش بابا نويل إحنا بابا نويل

أنا هغمض عيني وإنتي ادخلي، خطي العتبة وإنتي بتتبسمي، وحياة أبوكي يا شيخة إرضي عننا بقى" لحظة من فضلك!! متفهمناش غلط دى مش جمل تعارف أو فتح باب حوار مع شخص أعجبك، لأنها ببساطه أمنيات ملايين شباب "فيس بوك" في أول ليالي 2013، والمدونة على صفحات "فيس بوك".
بعد مرور عام مليء بالأحداث المأساوية المتلاحقة بدءا من "مذبحة بور سعيد"، ومرورا "بحادث قطار أسيوط"، ووصولاً إلى أحداث "قصر الاتحادية" ليدخل بابا نويل بحقيبة محملة بالنكات والتعليقات الساخرة حول حلول العام الجديد في ظل حكم الرئيس محمد مرسي وجماعة الإخوان المسلمين، "فيتو كافيه" رصدت تعليقات الشباب ...
عمر معتز : إمبارح ذاكرت الساعة 11:59 إلى 12:01 يبقى كده ذاكرت سنة كاملة ولا لأ ؟ يا متعلمين يا بتوع المدارس.
أماني محمد : عزيزتي 2013 وحياتك يا شيخة لتدخلي برجلك اليمين.
هايدي عمر: الإخوان بيقولوا من النهاردة مافيش بابا نويل أنا بابا نويل.
محمد نبيل : سنة جديدة وسعيدة يا جدعان بس بدون إخوان.
عزيزة علي : الناس كلها احتفلت برأس السنة، إلا الطالب المصري، رأس السنة هي اللي احتفلت بيه.
غادة عبد الحي : عزيزتى 2013 وحياة أبوكى يا شيخه إرضى عننا وخليكى سنة حلوة علينا بقى .
محمد سعيد : إحنا دلوقتي هنبدأ سنة جديدة يعني لو قمت أذاكر دلوقتي وبعد كده شيلت مواد، وجيت أحلف لبابا إني من أول السنة أبقى مش كداب صح ؟.
معتز خالد: امتحانات نص السنة في شهر (1) اللي هو أول شهر في السنة، وامتحانات آخر السنة في شهر (6) اللي هو في نص السنة ، صحيح شعب مش عارف راسه من رجليه.
هديل عمران: أول مصائب 2013 : نتيجة الترم الأول.
سعد حسن: اليوم هو 1 يناير وهو أول يوم في السنة وهو أيضا يوم الثلاثاء.
سالم يوسف : جبنة نستو يا معفنين ...وهابي نيو يير يا معفنين.