رئيس التحرير
عصام كامل
Advertisements
Advertisements
Advertisements

«روسيا 18.. حلم 90 مليون» يهز «تويتر».. عبد الكريم: أقل واجب نصعد كأس عالم بعد 28 سنة.. مصطفى: هاتريك يا صلاح.. رودي: تغيير عدل لكوبر يارب.. فيروز: النهارده التلات نشوفكوا كمان 4 س

فيتو

دشن نشطاء مواقع التواصل الاجتماعي "فيس بوك وتويتر"، هاشتاج "روسيا 18 حلم 90 مليون"، الذي احتل مركزًا متقدمًا بتراند مصر على "تويتر"، حيث عبر النشطاء عن حلمهم بفوز منتخب مصر على أوغندا اليوم، للتأهل لكأس العالم في كرة القدم، الذي يقام في روسيا عام 2018.


وأظهر الهاشتاج حالة الترقب التي بدت واضحة من خلال تعليقات النشطاء، انتظارًا لمباراة اليوم بين المنتخب المصري والأوغندي في لقاء العودة الذي يقام في تمام الساعة الثامنة مساء، لتحقيق حلم التأهل لكأس العالم، الذي ينتظره المصريون منذ 28 عامًا.

أقل واجب
من جانبه، قال عبد الكريم وهيب "يارب ماتشمت مجدي عبد الغني فينا"، وأضاف محمد علي "أقل واجب نصعد كأس عالم بعد 28 سنة".
وعلقت مروة محمد "والله إحنا شعب عظیم یعني رغم كل اللي إحنا فیه، مش فقدینا الأمل.. فرحونا بقی"، وردت فيروز أشرف" حلم إيه وكأس العالم إيه يا جماعة!! أنتو ناسيين إن النهارده التلات.. كل عام وأنتم بخير نشوفكوا كمان 4 سنين".

وتابع أحمد فراج، "لو أنا مدرب المنتخب هلعب حسام غالي لحد ما يموت مفيش لعيب زيه في مصر".

هاتريك صلاح
وقال مصطفى مهدي "إن شاء الله مربوحة"، وأضاف إسلام لوكا "يارب هاتريك لصلاح النهارده".

وعلق حازم محمود، "الليلة مش هزار روسيا يا أبطال انصرنا انصرنا يارب انصرنا"، وردت ولاء كا "أنت عارف لو مكسبناش النهارده يا كوبر هنعمل فيك إيه.. هنساوي وشك بالأسفلت".

وتابع وائل هلال "خليكوا ناس واضحة وصريحة إحنا حلمنا مش كأس العالم حلمنا نخلص من ذل مجدي عبد الغني بالجون البلانتي اللي جابوه".

هجوم يا كوبر
وقال منسي، "العيال بتوع أوغندا لازم يتعلم عليهم النهارده يعني أربع أو خمس أهداف على أقل تقدير هتعرف تجيب هاتريك يابو صلاح؟"

وأضاف جورجينو أسعد، "اكسبوا.. كل الناس بتقول يا رب"، وعلق أحمد هنري "ألعب هجوم يا كوبر بلاش الخطط الدفاعية اللي تشل دي حد يا جماعة يفرجه على ماتشات مصر أيام حسن شحاتة.."

وتابع رودي أنجل، "يارب أنا مش طالب غير الستر والصحة وكوبر يعمل تغيير عدل قبل الدقيقة 70".
Advertisements
الجريدة الرسمية