«طب ليه تسيبني» قصيدة لـ«علي فرج»

من يوم بعادك نفسي أفرح
قبل منك ماكنتش أعرف
إن بعاد الحبيب بيجرح
طب ليه تسيبني

كنت الفرح وراح معاك
كنت بتنفسك واشاركك هواك
كنت حاجة ماتتنسيش
كنت قلبي
كنت فعلا حته مني
طب ليه تسيبني

ليه سبتني في الوحدة وحدي
كنت خدني
بس ما تسيبنيش لوحدي
سبت ذكري جوه قلبي
تزيد عذابي وبتألمني
طب ليه تسيبني

راح معاك طعم الحياة
الاسم عايش ومفيش حياة
ماليةا الجراح وأنينها اه
بعد منك صعبة الحياة
طب ليه تسيبني

مين بعد منك يسأل عليا
ينصحني دايمًا ويخاف عليا
دايمًا في حزني ألقاك معايا
تمسح دمعتي وتكون هنايا
طب ليه تسيبني

سبت في قلبي أهم مطرح
مكان في قلبي كان بيفرح
مين يسكنه تاني بٓعدك
ضاعت حياتي بعد بُعدك
طب ليه تسيبني

كنت السند في طريق حياتي
كنت أكتر من حبيبي
كنت حبيبي وكمان صديقي
مين بعد منك يملى حياتي
يعيش معايا دنيتي
ويكون رفيقي
طب ليه تسيبني