بالفيديو.. حكاية «حجاجوفيتش» وتذكرة محمد النني في مباراة الأرسنال
لم يكن من السهل على أحمد حجاجوفيتش، الرحالة المصري، أن يحضر مباراة للأرسنال في الدوري الإنجليزي ليشاهدها من قاعة كبار الزوار، الأمر بدا سهلًا عندما أرسل له صديقه اللاعب المصري ولاعب الأرسنال الإنجليزي محمد النني تذكرة، لكن شابا إنجليزيا خطف التذكرة ما منع حجاجوفيتش من الحضور.
وسرد حجاجوفيتش الحكاية في تدوينة كتبها على فيس بوك "فرحت أوي لما لقيت صديقي محمد النني لاعب الأرسنال بيعزمني على ماتش للأرسنال في الدوري الإنجليزي وأداني تذكرة "كبار الزوار" هدية منه عشان أحضر الماتش مع عائلات اللاعيبة وأبقي مع صاحبة أوزيل وغيرهم في أحلي مكان في الاستاد... المهم رحت الماتش بدري وفرحان أوي بالتذكرة ولسة جاي أدخل من بوابة كبار الزوار لقيت شاب إنجليزي خطف مني التذكرة وطلع يجري زي الصاروخ".
وقال "إبن ال... جراني وراه حولين الاستاد كله وسط زحمة غير طبيعية من المشجعين ومع ذلك جبته في الآخر وأخد ضرب... وبعدين بوليس تأمين الماتش مسكه وأخده على القسم ولكن المشكلة إنه رمي التذكرة أوخباها في مكان ما جوة لبسه... وأنا فضلت محتاس من غير التذكرة والماتش شغال وحاولت أدخل بكل طريقة ممكنة ولكن كان من سابع المستحيلات...".
وأضاف "رحت للبوليس وخليت واحد فيهم ييجي معايا لإدارة الاستاد عشان يحكيلهم اللي حصل وبعد نقاش طويل وكان الشوط التاني ابتدي وقرب يخلص... وافقوا إنهم يروحوا يسألوا النني لو هو بجد أداني تذكرة ولكنه كان جوة الماتش بيلعب... الحمد لله قبل ما الماتش يخلص بربع ساعة صعبت عليهم فأدوني تذكرة تانية بس درجة تالتة شمال عشان ألحق أشوف أي حاجة من الماتش".
وتابع "خلص الماتش ولقيت النني جايلي وقعد يضحك على اللي حصل وأداني تيشيرته في الماتش هدية المهم نصيحة مني أي حد رايح ماتش جامد في أوروبا أو أي مكان يخلي باله أوي على تذكرته... لأن مش كل واحد عنده صديق محترم زي النني يساعده في الموقف ده".
