«رسالة فاضية» قصيدة لـ «أشرف عبد العزيز»
كانت رسالة فاضية ولكنها
خلت القلب دق ليها كتير
دلوقت بتمناها مع إنها
راحت وسابت جرح فيا كبير
دي رسالة فاضية لقلب يوم حبها
ودي عايشة راضية بذل قلب يغير
عايش بيحكي القصه للناس كلها
والدمع يبكي عشانه ويقول خير
سألت دموعي زماني ليه يازمان
الحزن مالي رفيقي بالحرمان
والشمس قلبت ضيها من بعد نور
والعتمه غطت والوجع عنوان
والحب موجه ف وسط أي بحور
بيغرق القلب اللي عاش ولهان
يتمنى ييجي بأولوية الدور
أو تنقذيه بشعاع من ضيك الفتان
يالي ف حضورك غاروا كل الحور
حابب أكون ف بحورك الغرقان
سامحتك والتقيت نظرة عنيك
رجعت كل اللي كان هيكون
ردت الأيام بذكرى عليك
جرحتني جوه قلبي ظنون
بحبك خدني مني إليك
واديني حب وشوق بجنون
يهون عليك القلب يتعذب غياب !
يهون عليك الدمع وآهات السنين !
اعطف على اللي بعشقه داب
واتمنى نظره من عنيك وحنين
بحبك حتى لو حبك سراب
وهفضل صاحب الناي الحزين
واعيش الباقي من عمري ف عذاب
غرقان بقالي فيه عشر سنين
كنت عايش عادي من قبلهم
لا عرفت مره الحزن ولا دمع الأنين
عدت سنيني عليا وكإنهم
لحظات مشوفتش فرح وحزن ييجي قرنين
وداني يومها الشوق عندهم
علقت أملي ف حياه بخيط ومن طرفين
وربطت طرفه ف قلبي، من جرحهم
ربطوا اللي فاضل منه ورا قضبان سجنهم
مفاتيحه موجوده واجيبها منين ؟
عايش على أمل أنه ييجي يقولي
ألاقي طريقها فين …………!
