اغتيال المستشار خالد المحجوب بعد قرار استدعاء مرسى

وضعت كتائب الإخوان الإلكترونية على رأس قوائم المطلوب اغتيالهم نفسيًّا خلال الأيام القادمة المستشار خالد محجوب، يقول محرر وكالة هريدى نيوز: إنه، أى المستشار خالد، كل اللى عمله إنه طبّق القانون واستدعى مرسى للشهادة فى قضية هروب المساجين من وادى النطرون بصفته كان مسجون هربان، وتساءل المحرر عن وضع مرسى في يوم 28 يناير 2011  ألم يكن سجينًا وهرب من محبسه، ولسه ما سلمش نفسه لحد دلوقتى للعدالة، والإجابة رصدها المحرر على لسان مصدر فشار من مصادره معتادى الفشر يقول: كان مرسى فى ذلك الوقت سجين جنائى مش سياسى ولا رأى، وهرّبوه أهله وعشيرته، وكان مطلوب القبض عليه، ومش عارفين الطلب ده راح فين، وأكد مصدرنا أن المستشار خالد ناوى يوجه تهمة لمرسى بالتعاون مع مقتحمى السجن، بدليل تليفون الثريا اللى خدو منهم وكلّم بيه الجزيرة. واختتم المحرر الخبر بتوجيه نصيحة للمستشار المحجوب قال له: انتظر حرب على الـ"فيس بوك" علشان طبّقت القانون!!