راندا البحيري تكشف حقيقة تعرضها للنصب
كشفت الفنانة الشابة راندا البحيرى حقيقة تعرضها للنصب مؤخرًا.
وأوضحت الموقف عبر حسابها على موقع الصور والفيديوهات الشهير "إنستجرام"، قائلة: "المعادي ڤيو الشروق عملوا من فترة قصيرة event كبير جدًا وطلبوا من جنات إنها تحيي الحفله وأني أكون موجوده كضيفة شرف للحفلة، وأكيد فيه مقابل مادي لده أنا سبت شغلي وكان سفر وقطعت السفر ده ونزلت أعمل لهم دعايه لمنتجهم وفهمت كويس عن المشروع واتكلمت عنه في أكتر من محطه تليفزيونية".
وتابعت: "واستغلوني في جميع دعاياتهم واستغلوا وجودي واسمي وبعد ما الشغل خلص اختفوا ومدوليش حقي المتفق عليه عايزة أعرف هل الوسيط اللي بيني وبينهم هو السبب وهو اللي نصب عليّ ولا هم شخصيًا لأنهم لو عملوا حركة زي كده ونصبوا على ممثلة ليها اسمها يبقي هيعملوا ايه في البني آدمين اللي اشتروا واللي هيسلموهم شققهم المفروض".
وأضافت: "عموما أنا منزله البوست ده علشان عايزه أعرف هل الوسيط هو اللي سرقني ولا هم شخصيًا ومستنيه رد منهم لأن مفيش حد فيهم بيرد على تليفونه وإن شاء الله خير".
