راندا البحيري: بطلة كليب المرجيحة بتعبر عن 90% من البنات

دافعت الفنانة راندا البحيري عن بطلة كليب «ركبني المرجيحة» بعد الانتقادات العديدة التي نالها منذ طرحه وحتى الآن لأسباب كثيرة منها فكرته وكلماته وطريقة تصويره.

وكتب راندا عبر صفحتها الشخصية على موقع "فيس بوك": «مبتكلمش كتير عن الظواهر في العموم. امبارح شيرت بوست ل صديقي تامر نادي مضمونه أن احنا اللي بنصنع نجوم الظواهر بسبب انفعالنا إذا كان مع أو ضد وجرينا ورا الخبر ».

وأضافت :«لكن النهاردة أنا فكرت كتير. واتفرجت على كليب المرجيحه وكونت رأي مبدئي. اللي هو اه احنا اللي بننجح عمل أو نهبطه بالكلام عنه أو بالانصراف عنه اه هي صوتها مش حلو اه الڤيديو متصور بكاميرا من موبايل لكن الڤيديو ده بيعبر تقريبا ٩٠ في الميه من الشعب».

وقالت: «البنت دالي حسن اللي أول مرة اشوفها في حياتي في الكليب شبه ٩٠ في الميه من بنات مصر ومعرفش انتوا ليه مستغربينها ومستغربين مكياجها قوي كده.. واضح أن مجتمع فيس بوك فعلا مش بيتعامل في الأرض تماما. أنا شوفت شبهها كتير جدا. أنا مكياجها ده بشوفه مرارا وتكرارا وبالذات من التسعينات لغايه دلوقتي في أي مكان فيه عماله أو ستات عادية من community غير اللي احنا عايشين وسطه. اللي مثلته دنيا سمير غانم في طير انت الفيديو مكانش هيخض الناس على فيس بوك لو ببساطه مكنش حد شيره».

واختتمت: «مؤمنة جدا جدا جدا أن من حق أي حد. أنه يعمل أي عمل فني حتى لو المرجيحة بجد مش بهزر واحنا ممكن نعمل نفسنا مشوفناهوش لو مش عاجبنا اما لو عاجب الناس يبقي حاجه من اتنين يا اما هو فعلا حلو يا اما هو فعلا حلو».