رئيس التحرير
عصام كامل

بالفيديو.. لحظة سرقة سيارة بالطريق الدائري في أقل من 20 ثانية

فيتو

نشر مالك سيارة مقطع فيديو للحظة اقتحامها وسرقة محتوياتها في وضح النهار، وفي زمن لا يتجاوز 20 ثانية أثناء توقفها أمام شركة بالطريق الدائري بين مدينة نصر ومساكن شيراتون.


وكتب مالك السيارة: "السرقة تمت عادي عيني عينك الساعة ٤:١٥ مساء يوم الجمعة والعربية مركونة أمام مبنى شركة على الدائري بين مساكن شيراتون ومدينة نصر، خدوا بالكم ومتسيبوش حاجة مهمة في عربياتكم وشير علشان محدش يتعرض لنفس الموقف ده".

وتابع: "العربية مكانتش مفتوحة، الحرامي كسر زجاج الشراعة الخلفية، وسرق شنطة فيها جهاز كمبريسور بيستخدم لنفخ اطارات السيارة، الڤيديو تم تصويره عن طريق كاميرات مراقبة خاصة بالشركة اللي كنت راكن قدامها بالصدفة، وأفراد أمن الشركة كتر خيرهم رجالة جدعان، هم اللي حاولوا يلحقوا الحرامي وظهروا في الڤيديو وهم بيجروا وراه وهو بيهرب بعربيته".

وأضاف: "أنا معملتش محضر في الشرطة لأني كنت مستعجل جدًا وورايا سفر لظروف طارئة وكان كل همي إني ألحق أصلح الزجاج المكسور علشان أقدر أتحرك، والهدف من نشر الڤيديو هو تحذير الجميع من أن السرقات أصبحت في وضح النهار عادي بكل بجاحة وبطرق احترافية وسريعة وإننا منسبش أي أغراض ثمينة في السيارة".
Advertisements
الجريدة الرسمية