ممدوح السباعي يكتب: أبولهب يزور مصر
هو: عمت مساء يا ابن السباعي
أنا: إيه هو؟
هو: عمت مساء يا ابن السباعي ألا تسمع؟
أنا: أهلا وسهلا مين إنت؟
هو: أنا أبولهب
أنا: أبو مين ؟
هو: قلت لك أبولهب
أنا: أعوذ بالله من الشيطان الرجيم
هو: ما بك يا هذا وكأنك رأيت عفريتا مثلا
أنا: امال انت إيه شيخ الجامع مثلا
هو: قلت لك ابولهب القرشي
أنا: جوز أم جميل بتاعة قريش وكدا يعني
هو: صه ولا تذكر اسم زوجتي بلسانك ولا شأن لك بها
أنا: طيب بس بالراحة ما تزعلشي يعني إنت واخد خضرة الشريفة
دي سفاحة
المهم إنت إيه اللي جايبك عندي ؟
هو: جئتك لتدلني على مكان مشيخة الأزهر
أنا: ههههههههههه إنت جاي تعلن أسلامك دلوك بعد ما خربتها
هو: يا هذا أنا أريد مقابلة شيخ الأزهر هل ستدلني عليه أم اذهب إلى حال سبيلي
أنا: يا ابوالعم مشيخة الأزهر في القاهرة وإنت هنا ف محافظة سوهاج
هو: وما سوهاج هذه ؟
أنا: لا اوعي تستهبل وتقولي وما سوهاج بلاش تلعب ف عداد عمرك
هو: كلامك غير مفهوم يا هذا فكيف اذهب إلى مشيخة الأزهر " بناقتي "
فقل لي كم بيننا وبين القاهرة هذه ؟
مسيرة يوم أو يومين أو ثلاثة ؟
أنا: هههههههههه إنت هتروح بالناقة؟
هو: أجل
أنا: يبقي قدامك مسيرة شهر أو شهرين أو ثلاثة دا إنت طيب باين عليك ولا شارب حاجة ؟
تعالي الأول روح معايا البيت خد واجبك وارتاح من المشوار وبعد كدا يسهلها ربنا
وبالمرة العيال يشوفوك وبعد كدا لو عايز تقابل السيسي اخليك تقابله
هو: ومن يكون السيسي:
أنا: دا عشيتك مربربة
دا واحد صاحبي ما تعرفهوش إنت
اسكت ما تحبسناش يا شيخ
هو: وما معني أخد واجبي ؟
أنا: يعني تتعشي وتشرب شاي
هو: سمعت أن سعر كيلو اللحم وصل 120 دينارا فأي طعام عندك ؟
أنا: لا ما تشيلش هم لما نوصلوا البيت هنلاقي خير ربنا كتير غير اللحمة
هو: وأين دارك ؟
أنا: بحري السوق بتاع بني حميل
هو: وأين سوق بني حميل ؟
أنا: إنت هتحقق معايا أمشي معايا وإنت ساكت
هو: وهل يوجد مكان لتستريح فيه الناقة ؟
أنا: إن شاء الله
بس قولي إنت عايز تروح مشيخة الأزهر ليه ؟
هو: لمقابلة شيخ الأزهر
أنا: ليه عايز تلتحق بالجامعة ولا إيه ؟
هو: يا هذا كلامك كثير وغير مفهوم
كف عن الكلام وإلا قاتلتك بسيفي
أنا: يا بوي سيف إيه؟
الله يرحمك يا ابن الخطاب كنت عامل رعب للناس دي
هو: تقصد عمر ؟
أنا: نعم
هو: معذرة يا هذا فلقد علا صوتي عليك
أنا: ولا يهمك إنت ف مطرحنا وبراحتك طيب عايز شيخ الأزهر ليه ؟
هو: يا هذا الإسلام الذي بجهلي وبتكبري وبغطرستي لم انل شرف الدخول فيه كان قويا وسيظل قويا ولكن حال المسلمين في زمانكم لا يرضي حتى أبولهب.
فاجتمعنا وتشاورنا أنا وسادة قريش في أمركم لما زادت معاصيكم وارتكابكم للمحرمات واتفقنا على إرسال مبعوث من عندنا لمشيخة الأزهر لنبصركم بعيوبكم ونخبركم بأن أفعالكم لا تليق بكم كمسلمين
فلقد كثر القتل والسكر والعربدة والسرقة والسلب والنهب والزنا والربا
واتيتم بما لم يؤته صناديد قريش في زمانهم
ولحسن الحظ اختاروني أنا فرحبت بذلك لأني أحب مصر
أنا: طيب ولما انت زعلان على الإسلام كان مالك بس يا ولدي عاديت رسول الله صلي الله عليه وسلم وصحابته الأطهار
كان زمانك واحد من صحابة الرسول صلي الله عليه وسلم وكل ما تبحي سيرتك نقول رضي الله عنه وأرضاه لكن إنت أفقر من جدي زمان باع ارضياته بوكلة فطير
هو: يا هذا حدث ما حدث فلا تحدثني عن الماضي
أنا: وإنت دلوك جاي عامل فيها مصلح اجتماعي ؟
مش إنت اللي كنت ليل نهار ماسك كاس الخمرة ف يدك ؟
جاي دلوك تقولي أفعال المسلمين مش عجباني
هو: نعم شربت الخمر المصنوع من العنب لكن دلني على واحد من قريش شرب حشيش أو واحد شم بودرة أو زرع بانجو
يا هذا الزنا عندكم أصبح جهارا نهارا
بسبب الاختراع اللعين الذي يسمي هاتف محمول
وبسبب التلفاز
ولا أعفي نساءكم من الذنب
هل الملابس التي تلبسها النساء في شوارعكم رأيتموها في أيام قريش ؟
القتل الذي انتشر والكره والحقد والغل
فأنا سوف أتحدث إلى فضيلة الإمام في هذا الشأن لعلكم ترجعون إلى رشدكم وتتبعون تعاليم دينكم الذي عاش ابن أخي ومات يدافع عنه هو وأصحابه وأنتم تأتون أفعالا لا تليق بكم
أنا: والله العظيم أنا خايف أكون باحلم
ابولهب جاي يورينا الصح من الغلط آدي اللي كان ناقص
حسبنا الله ونعم الوكيل..
