أدهم العبودي يشكر نقابة المحامين بالأقصر على دعمه في محنته بالسجن

وجه الكاتب الشاب أدهم العبودي الشكر لنقابة محامين الأقصر على مساعدته في محنته الأخيرة بعد القبض عليه يوم 18 يونيو الجاري بسبب نشره على صفحته الخاصة بموقع التواصل الاجتماعي "فيس بوك" أن جزيرتي تيران وصنافير مصريتين.

وكتب العبودى عبر حسابه الخاص بموقع التواصل الاجتماعى "فيس بوك": "بفضل الله تعالى وبدعمكم خرجت من السجن وإن شاء الله هأقضي العيد مع ولادي، والغريب إني لقيت ابني محمود تعبان جدًا لأنه ما أكلش حاجة من ساعة ما قبضوا عليا، مراتي تقريبًا خست النص، وإخواتي لسه مصدومين، بس كله يهون، إحنا بندفع زكاة عن ناس كتير".

وأضاف: "الأغرب إن صحابي نسيوا كل حاجة حلوة عملتها معاهم وافتكروا بس لساني الطويل وقلة أدبي إنّما هافضل أحبهم، وهافضل أقل أدبي عليهم برضو، وبشكر كل الناس الجميلة وكل أصحابي الجدعان قوي اللي وقفوا جنبي وساعدوني أخرج من محنتي، بشكر نقابة محامين الأقصر اللي فوق راسي من أصغر محامي للنقيب، نقابة تشرف أي محامي في الحقيقة، من غيرهم كان ممكن أفضل محبوس لحد دلوقتي، سابوا مصالحهم وقضاياهم وشغلهم وبيوتهم وقعدوا يتحركوا في كل حتة وأنا محبوس لغاية ما طلعت من الحبس".

وتابع: "علشان إحنا مصريين بجد وبنحب البلد دي لآخر نفس بيطلع من صدرنا وبنعشق ترابها، بنستحمل كل شيء وأي شيء، ومصر بخير، وهتفضل بخير، وهتفضل كبيرة في عيون العالم كله".