على ذمة الحب... قصيدة لـ«بولا وجيه»

لا لقانا كان له صدفة
ولا اترتبله ألف ميعاد
أنا مجموعة أحداث
بالمللي بتتكرر وبتتعاد
أنا واحد لا عرف طريق الحب
ولا الحب عرف له طريق
متهم تمللي بالصحبة
وهو أصلًا منها برئ
لا ليا صاحب
ولا ليا ونس
ودموع عيني
دي نور جرح في قلبي
وقرر أنه ينعكس
شوفتك في لحظة
وقف الزمن واحترس
وأنا كان كل أملي
في نظرة منك أختلس
ويصير قلبك كما سجن
وصدقيني راضي أتحبس
على ذمة الحب
وعلى ذمة قلبك
أنا مش طالب
غير أني أفضل جنبك
فصدقيني لما أقولك
أني بجد بحبك