بهلول المشغول: اللهم إنى صايم

وأنا صايم حبيت ألهيني
ماهو ساعة لقلبي وساعة لديني
أخدتني أيدي للريموت
قلت أتمدد وأعلي الصوت
فجأة ركبت «الحصان الأسود»
«طاقة نور» قالتلي فوت
«لمعي القط» كان موجود
في إيده «كلبش» وشكله بيموت
قلت «اللهم إنى صايم»
دا «وضع أمني» مش مظبوط
فجأة سمعت صوت المدام
قلت دي «عفاريت عدلي علام»
ولما لقيت «غرابيب سود»
واخداني لطريق مسدود
قلت أنا عايش فـ «الحلال»
وفـ «وضع أمني» عال العال
أتاري دا «عشم إبليس»
فجأة «الجماعة» مسكت كيس
«خلصانة بشياكة» يا أبو التهييس
وزي بتوع «كفر دلهاب»
سحبت سكينة من الجراب
قالت أدخل في الموضوع
وياريت «لا تطفئ الشموع»
اتسحبت أنا زي «الزيبق»
وقلت أجري أهرب منها
أصل دماغها «هربانة منها»
وبشويش كدا دخلت أنام
ولزقت في «ريح المدام»
نمت جمبها وأنا مخنوق
وبمثل إنى فـ «قصر الشوق»
مراتي تاخد وتدي معايا
وتحكي عن جارتي «الحرباية»
فجأة لقيت «الحالة ج»
ورئيسي عايز شغل قديم
قلت أعيش دور التهييس
وأهو ظل مراتي ولا «ظل الرئيس»