عزة عطا الله تكتب: رمضان كريم
رمضان كريم
حوالينا ألف من الملايكة ف المكان
رمضان كريم
وشفاعة من سيدنا النبى صلوا كمان
.............................................
أعظم شهور طول السنة
حب وسلام
الصلح خير وأنت هنا
من غير كلام
بيتك وبيتى
في الفطار بعد الصيام
ورمضان كريم
........................................
يا فرحتى يا مسحراتى كنت فين
يا ريت تقول
كل الأسامى المؤمنة
حتى الزهور
الله أكبر ده الأدان
والفجر نور
.............................................
سجدة وخشوع
يارب يا رحمن رحيم
صبر.....ودموع
يا رب دا القرأن عظيم
صلوا عليه سيدنا النبى
ورمضان كريم
