انفراد.. نص التحقيقات في اتهام مشاغب بتشكيل الجناح العسكري للألتراس

حصلت فيتو علي نص تحقيقات النيابة العامة في القضية المتهم فيها سيد مشاغب مؤسس رابطة ألتراس الزمالك "وايت نايتس و20 متهمًا آخر من شباب الألتراس، لاتهامهم بحرق قاعة المؤتمرات بمدينة نصر، وتشكيل الجناح العسكري للألتراس.

وكشفت تحقيقات النيابة التي أجريت مع حسن مجدي سليمان منصور، الشهير بـ«حسن كازرولا» أو «جزره»، 19 سنة، بالفرقة الثالثة ثانوي، أن الجناح العسكري للألتراس اسمه أف 16، أُسس في 2010 وكان القائد للجناح هو سيد مشاغب.

وأضاف جزره أن دور مشاغب تمثل في مواجهة الأمن وألتراس أهلاوى، وتضمن أعضاء الجناح العسكري كل من محمد بليه وشهرته بلية نزهة، وعمر برشامة وكريم برشامة وعبد الله محمود وبن نادي ومروان أزمات.

وأشار جزرة في تحقيقات النيابة أن الجناح العسكري للألتراس تمثل في التصدي للأمن، مع حدوث تغير في الجناح تضمن شراء سلاح عبارة عن فرد خرطوش سن 12، 16 مم، وبندقية خرطوش إنجليزي، بالإضافة للشماريخ والمونة والروشتات -حسب أقوال جزرة-.

وعن سؤاله متى يتم استخدام هذه الأسلحة ؟ أجاب: الأسلحة دى مكنوش بيستخدموها في المواجهات وكان استخدامها بس في حالة المداهمات الأمنية في بيوتهم أو في أماكن تواجدهم قبل القبض عليهم.

واستطرد جزرة في أقواله أن الجناح العسكري للألتراس بدأ يمارس مهامه بعد ثورة 25 يناير، حيث تطور دوره من الاشتباك مع الأمن في حالة المواجهات لفض المظاهرات وتجمعات الألتراس إلى رصد بوكسات وسيارات الشرطة المتواجدة بالقرب من الاستادات التي تشهد المباريات.

وعن سؤاله ما دورهم في المواجهات؟ أجاب: أنهم كانوا يقوموا بتحديد أماكن هذه السيارات، وإشعال النار فيها بالمولوتوف والشماريخ والبروشتات أو قنابل المونة، وكان يجلب لهم هذه الاشياء أحمد صلاح.

وعن مصدر التمويل؟ أجاب: الفلوس اللي بتمول الوايت نايتس بتيجى من الأعضاء بتوع الوايت نايتس، وهى بتكون 20 جنيها في الشهر بس الاشتراكات دى واقفة عام 2013 تقريبا، بالإضافة إلى المنتجات اللى بتعملها الوايت نايتس من تيشرتات وكوفيات ومحافظ وتبيعها، فدى برضه بتدخل فلوس للوايت نايتس وهى دى الأساس، فهى بتدخل في الست شهور نحو 75 ألف جنيه، يعنى في السنة 150 ألف جنيه».

وعن تمويلهم من الخارج؟ قال: «كان في بعد الثورة 25 يناير 2011 وفى سنة 2011 في واحد قطرى الجنسية اسمه أبو حذيفة تواصل مع عضو من النشطاء في الفترة دى كان اسمه كريم وفيق وهو ساب الألتراس بقاله 3 سنين وطلب من كريم أنه يساعد الألتراس ويدينا فلوس، وكريم عرض علينا الموضوع ده، وقررنا كمجموعة ناشطين أن احنا نتعامل مع أبو حذيفة، وطلبنا من كريم أنه يتواصل معاه، وأبو حذيفة قاله هينزل القاهرة، وبعد الموضوع ده بشهرين بعت لكريم على فيس بوك وقاله: إنه في القاهرة، واتفق معاه كريم أنه يقابله في قهوة سهر الليالى بشارع الطيران، وهناك أبو حذيفة فتح معاه أنه هيساعد الوايت نايتس بالفلوس، واتفق مع كريم أنه هيبعتله 115 ألف جنيه في الشهر على حساب كريم وفيق البنكي في بنك hsbc أو في بنك cib، والفلوس بعد ما كانت بتتحول على حساب كريم كان بيديها لأحمد للدعم المادي في الألتراس، والفلوس دى كنا بنستخدمها في الرحلات بتاعت التشجيع والأعلام واليفط اللى بيتكتب عليها الشعارات.».

وعن سؤال متى استمر التمويل؟ أجاب: « فضل التمويل مستمر لحد 2013، ووقف بعد كده بسبب إن أبو حذيفة بدأ يسأل إمتى هتم مواجهة الأمن اعرف، وعرف كريم أن الفلوس اللى بعتها دى علشان شراء سلاح وكان أبو حذيفة شغال في المكتب الإعلاني لقناة الجزيرة، ولما كريم قال الموضوع ده للناشطين اللى هي الأكتف، وده المصطلح اللى بيتقال عن مجموعة الناشطين أو الأكتف حصلت مشكلة في الوقت ده وكانت فكرة التمويل من الخارج مرفوضة من عدد كبير من الرابطة علشان ميتقلش علينا ممولين من بره علشان نضرب الحكومة ».

ووجهت النيابة إلى المتهمين في القضية المقيدة برقم 1107 لسنة 2015 جنح مدينة نصر ثان: "تأسيس جماعة على خلاف أحكام القانون تسمى (الكتيبة 101)، والاشتراك في محاولة قلب نظام الحكم والنظام الجمهوري بالقوة، إضرام النيران في ستاد القاهرة وقاعة المؤتمرات واستاد الهدف، الإتلاف العمدي للأموال العامة، الهجوم على أحد المرافق العامة بهدف تدميرها، حيازة زجاجات مولوتوف، تأسيس تنظيم من عناصر وايت نايتس على أساس المزج بين حركات فوضوية والقيام بأعمال إرهابية ضد الدولة.

كانت نيابات شرق القاهرة، أحالت القضية للنيابة العسكرية لاستكمال التحقيقات.