الغربة.. قصيدة جديدة لـ«منى حسان»

في غربتي عمري يا بلدي مانسيتك
معايا وفي كل لحظه تلاقيني ناديتك
وبتردي الندا
ومن بين كل المسافات دي بسمع رنين صوتك
يا بلدي مهما الغربة خدتني والبعد بيا طال
حيفضل اشتياقي يا بلدي لحضنك
ما أنتي حضن الحنان
ما أنتي يا بلدي أمي
اللي مهما بعدت عنها حفضل حتة منها وهى حتة مني
إنتي متعرفيش يا بلدي أنتي بالنسبه ليا
انتي أول نور فتحت عليه عنيا
يا بلدي يا عمري يا طفولتي وصبايا
يا بلدي يا أهلي وناسي يا نبضي وكل احساسي
ياللي على ايديكي يتوب كل عاصي
يا بلدي أنتي روحي لقيت نفسي ولقيتك
وقبل ما تطلبي بقلبي وروحي هاديتك وفي غربتي يا عمري ما نسيتك
يا بلدي يا بلد التاريخ والحضارة
أبو الهول والأهرامات دليل وأكبر إماره
ونيلك حارس يشهد اتبنت عليه حضارات كتيرة وعظيمة
أنساكي إزاي يا بلدي وانسي التاريخ
أنسي مجدك وجاهك اللي ليا ولأولاد ولادي يا بلدي حيعيش
أنساكي إزاي وإنتي دمي اللي بيسري في عروقي
دا انا لو نسيتك قلبي وعيوني ما يقدروا ينسوكي
بإسمك الجميل بصوت عالي ناديتك
بحبك يا بلدي وقلبي العليل من البعد هو بيتك
بحلم تضميني تدفيني بالحنان
دا انا على سيرتك وريحه عطرك بنام
صورتك في كل مكان وفي كل شئ حوليه
حتى في ملامح الناس بشوفك قدام عينيه
شيفاكي يا بلدي من كل البعد دا
دا لسه ميه نيلك في عروقي روياني
بحلم يا بلدي لحضنك أعود دا انا شوقي ليكي فاق الحدود
ومهما البعد طال يا بلدي انا ليكي وانتي ليا
حعيش ديما فخوره إني بنتك اني مصريه
حفضل بنتك يا بلدي ولو بعدت عنك أو في أي لحظه جيتلك وقربت منك
يا إللي في غربتي عمري ما نسيتك
امتي ارجع وابقي قريبه منك