بالصور.. فتيات يروين أغرب تحكمات الرجال بهن.. مي: «قالى يا أنا يا الميكروباص».. فاطمة: «جري ورايا بسبب البنطلون».. أميرة: «متصاحبيش بنات».. شيماء: «ممنوع تكلمى السنا

تداول مستخدمو موقع التواصل الاجتماعي "فيس بوك" أغرب التحكمات التي تعرضت لها الفتيات خلال ارتباطهن بأشخاص سواء بشكل رسمي أو علاقة عابرة، وأثارت تعليقات الفتيات ضجة كبيرة عبر الإنترنت.

ممنوع أبص حواليا
قالت ريهام: "كنت أعرف واحد كان بيقفش عليا لو بصيت حواليا وأنا قاعدة معاه! أقسم بالله ما فاهمة لحد دلوقتي ماكنتش بقوم أخبطه بالكرسي على دماغه أشقهاله نصين إزاي".

تحكمات فيس بوك
وأضافت ياسمين: "كنت لسه ف تالته إعدادي كان بيقولي متفتحيش فيس غير لما تكلميني تستأذنيني الأول، متخرجيش من الشات بتاعي طول منا بكلمك يا كدا يا منتكلمش خالص، ممنوع أكلمك والاقيكي ويت "انتظار" كان موسوس الله يهديه".

متصاحبيش بنات
وقالت أميرة: "متركبيش صحابك البنات معاكي في عربيتك، ومتصاحبيش بنات أصلا".

يا أنا يا الهاند فري
وأضافت أمنية: "متلبسيش الهاند فري تاني إنتي عاوزه تجذبي الناس ليكي وخيرني بينه وبين الهاند فري".

ممنوع أكلم البنات السنجل
وقالت هنا: "بتقولى للويتر ميرسى لييييييه وبتبصيله ليه وهو بينزلك الأوردر هو أنا مش موجود".

وأضافت شيماء: "واحدة كنت أعرفها خطيبها منعها إنها تكلم صحابها البنات السناجل عشان دول ملهومش حاكم، وفعلا قطعت علاقتها بينا واتجوزت وجابت ولدين وحاليا مطلقة، وبتحاول ترجع لحياتها القديمة تاني".

ممنوع أسيب شعري
وقالت ريم: "كان بيتخانق معايا لو واحد قال نكتة وضحك، المشكلة إني لما حد بيتخانق معايا بفطس من الضحك لاني مش مصدقة تفاهة السبب، فيتعفرت زيادة".

وأضافت هايدي: "مينفعش أسيب شعري الا لما استأذنه لازم يكون ديل حصان طول الوقت".

يا أنا يا الميكروباص
وأضافت إيمان: "كنت ماشية معاه ف لاقيته فجاه بيقولي عاجبك فيه إيه ساعته ولا هدومه وأنا مسبهلة وبقوله مين ده ومش شايفه حد قدامي أصلا واتاريه عنده عقدة نقص ابن الناقصة".