بالصور.. شاب يذبح كلبا.. ونشطاء: من عبدة الشيطان ولازم يتعاقب
حالة من الغضب انتابت نشطاء مواقع التواصل الاجتماعي، لذبح شاب "كلبا" في أحد الشوارع، وتصويره لنفسه وهو يذبحه، وكتب على صفحته الشخصية بفيس بوك قال فيها "عايشينها بالإجرام.. فدا الشيطان".
وطالب النشطاء بالقبض على ذلك الشاب ومعاقبته، حيث يعتقد البعض أنه أحد عبدة الشيطان وقام بذلك كطقس من الطقوس الخاصة بعبدة الشيطان.
قال أدم ياسر "اسمه محمد عادل عبد النبي الجزار 22 سنة دبلوم صنايع دفعة 2015.. من قرية سنتريس التابعة لمركز أشمون بمحافظة المنوفية، مطالبين بضرورة محاسبته على جريمته الشنعاء، حتى يكون عبرة لمن يعتبر".
وأضافت هبة جابر: "الشخص دي فرحان إنه دبح كلب.. حسبي الله ونعم الوكيل.. فيه واحدة دخلت النار في قطة عشان مأكلتهاش ولا سابتها تأكل.. مش فاهمه إيه الناس دي وإيه القسوة دي وإيه تعليقه الغريب جدا ده.. منه لله ربنا ينتقم منه".
وعلقت جوجو: "كلب فدا الشيطان إزاي يعني.. ده مضطرب نفسيا أكيد"، ورد شهاب الدين: "الواد ده شكله بيحضر جن.. يا إما مجنون"، وتابعت رنيم حريته:"عبدة الشياطين لازم يدبحو حدا من أهلهم ويفتدوا فيه.. وهو دبح كلب".
بينما قال ماهر باسم: "مش عبدة الشيطان.. هو مسمي نفسة الشيطان"، وأضافت رانيا محمد: "حاجة في قمة الاستفزاز"، وعلقت ديانا محمود: "المفروض يتعاقب".
فيما رد محمد السيد قائلا: "الموضوع هياخد شوية اهتمام وبعد كدا خلاص ولا كأن حاجة حصلت زيه زي أي موضوع عدي قبل كده"، وتابع عماد رمضان: "مشروع داعشي بس من النوع الكلابي".
