بدرية طلبة تعود لـ «نفسنة»
أعلنت الفنانة بدرية طلبة، عودتها من جديد لبرنامج «نفسنة»، الذي تقدمه الفنانات هايدي كرم، وانتصار، وحبيبة، على شاشة فضائية «القاهرة والناس».
وقالت «بدرية»، عبر صفحتها الشخصي بموقع «فيس بوك»، مساء اليوم: «العودة.. رجوعي لبرنامج نفسنة على قناة القاهرة والناس.. الحمدلله، كنت عاوزة أشكر كل الفانز بتوعي اللي أنا بعتبرهم أهلي بالظبط عشان كلامهم ومطالبتهم برجوعي للبرنامج وكمان حابه أشكر إدارة قناة القاهرة والناس وهوايدا نديم على تمسكهم بيا وأني أرجع تاني للبرنامج».
وأضافت: «أكيد مش عاوزة أنسي أخواتي بجد واللي هما كانوا السبب الأساسي لرجوعي لنفسنة وهما أنتصار وهيدي بجد ربنا يخليكوا ليا دايما ونفضل منفسنين على بعضنا وبس يا أحلي منفسنين، عودي يا بلية، بدرية طلبة، عودة بدرية لنفسنة، بليه رجعت».
وكانت خلافات دبت بين بدرية طلبة وزميلتها في البرنامج «حبيبة»، مؤخرًا، خلال كواليس تصوير إحدى الحلقات، أدت لانسحاب الأولى من البرنامج.
