«وصية جدى».. شعر لـ هاني يوسف عبدالقادر

جدي ف يوم وصاني وصية
قاللي أنا عايزك تبقى شجاع
اوعي ف يوم تسكت عن حقك
أو تستسلم......... للأوضاع
---------------------------------
خليك وطني وخاف على أرضك
اوعي تهزك أي ظروف
دافع عنها بكل ما عندك
عمر الحق ما يعرف خوف
---------------------------------
إياك غيرك يحصد قمحك
ولا يغير يوم في ملامحك
لو يحصلك ده في حياتي
أو في مماتي مش راح أسامحك
----------------------------------
اسمع مني الله يحميك
مهما الدنيا ضحكت ليك
اوعي تآمن ليها دي ضحكت
علشان تقدر تخدع فيك
----------------------------------
أنا بهديلك كل نصايحي
جاهد كافح هم وضحي
وساعتها راح ترفع راسك
ودا حيكون يوم سعدي وفرحي