بهلول المشغول: التعديل الوزاري.. علشان تنساني

ادحرج واجرى.. يارمان
وتعال على حجرى.. يارمان
أنا حجرى حنين.. يارمان
ياخدك ويميل.. يارمان
وادحرج تانى.. يارمان
وأجيبلك كاليمارى.. يارمان
وتعديل وزارى.. يارمان
علشان تنساني.. يارمان
وتسيبنى فـ حالى.. يارمان
كمان سنة تانى.. يارمان
وتدينى فرصة.. يارمان
أنجز من تانى.. يارمان
وألغى القرارات.. يارمان
بتاعت اللى فات.. يارمان
واعمل لك خطة.. يارمان
وتكون أونطة.. يارمان
وأديك وعود.. يارمان
بتنفيذ عهود.. يارمان
واعرضها كمان.. يارمان
ع البرلمان.. يارمان
ويقولى آمين.. يارمان
واقعد سنتين.. يارمان
وتفضل محتار.. يارمان
في سعر الدولار.. يارمان
وأسعارك تزيد.. يارمان
وتولع نار.. يارمان
وتقول آه يانى.. يارمان
وتصرخ فـ ودانى.. يارمان
وتطلب من تانى.. يارمان
تعديل وزارى.. يارمان