بهلول المشغول: يدوم العز يا حكومة

«سرحانة فـ إيه.. ياحكومة
بتفكرى ليه.. ياحكومة
الشعب داعيلك.. ياحكومة
فـ نهارك وليلك.. ياحكومة
تفضلى ويانا.. ياحكومة
وبطونا جعانة.. ياحكومة
ارفعى أسعارك.. ياحكومة
الدار بقا دارك.. ياحكومة
يسترها معاكى.. ياحكومة
وتغّلى دواكى.. ياحكومة
يدوم العز.. ياحكومة
وتخبى الرز.. ياحكومة
كلنا معاكى.. ياحكومة
واقفين وياكى.. ياحكومة
ماحناش بنفكر.. ياحكومة
ولا عايزين سكر.. ياحكومة
يارمز الرحمة.. ياحكومة
نسينا اللحمة.. ياحكومة
عايزين تسريب.. ياحكومة
وبلاها أنابيب.. ياحكومة
ولا حتى حليب.. ياحكومة
دى العيشه فل.. ياحكومة
مش فيها ذُل.. ياحكومة
وانا عايز انام.. ياحكومة
الكدب حرام.. ياحكومة
ولو صدقتينى.. ياحكومة
غورى عن عينى.. ياحكومة