بالفيديو.. «الذئبة الحمراء» تفترس حياة فتاة الإسكندرية «تقرير»
توقفت الحياة في منزل "رحمة".. وأدبرت وتولت عن وجهها، بعدما اكتشفت الأسرة مرض ابنتها رحمة بمرض نادر، لا يقوى على علاجه سوى الأثرياء، لكن المرض لم يختر سوى رحمة وأسرتها المتواضعة.
مرض نادر
تعيش "رحمة" طالبة الإعدادي، بنت محافظة الإسكندرية، مع أسرتها الفقيرة في منطقة شعبية فقيرة الخدمات، مصابة بمرض الذئبة الحمرا، ذلك المرض النادر الذي يتطلب علاجا وأدوية مكلفة للغاية، ليس للشفاء من المرض لكن للتعايش معه دون أن يتغول في جسدها ويهلك أعضاءها، ذلك برواية الطبيب المعالج لرحمة.
أول فرحتى
التقت فيتو الفتاة المريضة رحمة وأسرتها، وقالت والدتها وهى تبكي، ويداها ترتعشان «رحمة لا تحتاج من الدنيا سوى الرحمة، رحمة بنتى أول فرحتى بالدنيا، لكن الفرحة انكسرت، رحمة مريضة بمرض نادر جدا، زميلات رحمة في المدرسة مبيرحموش بيجرحوها بلسانهم، وبالابتعاد عنها بسبب مرضها داخل الفصل».
وتابعت «رحمة بنتى إيه ذنبها؟ بنتى صعبانة عليا أنا كل يوم أبكى علشان مش قادرة أعملها حاجة، بنتى بتصلى وراضية بقدر ربنا.
الذئبة الحمراء
وأضافت والدة رحمة «الأطباء أكدوا أن رحمة لن تشفى من المرض ولكن ستتعايش معه من خلال الأدوية، وبتحتاج فلوس كتير علشان تجيب الدواء، وأهل الخير يساعدوني، بس أنا تعبت، محتاجة فلوس كتير كل أسبوع».
وأكملت «بنتى رموشها وحواجبها بتقع، والبنت بتبكى كل يوم، وكرهت المدرسة علشان زملائها بيعايروها، وبيتجنبوها في الفصل، بنتى جسمها بايظ والهدوم بتدارى كتير، بنتى مرضها نادر ومحتاجة تدخل من الدولة، وأبوها شغال على باب الله».
بنت طبيعية
وقالت "رحمة" بصوت يملؤه الألم وبقلب منكسر، أنا مريضة مرض نادر اسمه الذئبة الحمرا، ونسبة الشفاء فيه ضعيفة جدا، لكن ممكن يكون في علاج للمرض ده بره مصر، نفسى حواجبى ورموشى يطلعوا وأبقى طبيعية زى بقية الناس، أنا بحتاج فلوس كتير كل أسبوع علشان العلاج، وأنا والدى شغال سواق ومش بيقدر يصرف على علاجى.
وطالبت رحمة أصحاب القلوب الرحيمة بالنظر إلى حالتها والمساعدة في سفرها للعلاج خارج مصر، أو التكفل بعلاجها داخل مصر، رحمة بأسرتها التي لا تقدر على علاجها.
