نيللي كريم: ماكنتش مصدقة نفسي وأنا بأمثل أمام فاتن حمامة
كشفت الفنانة نيللي كريم عن سبب اختيار الفنانة الراحلة فاتن حمامة لها لأداء دور ابنتها التي تدرس الباليه في مسلسل وجه القمر، قائلة: «أول ما قابلت فاتن حمامة قلت لها ممكن أسأل حضرتك سؤال صغير بس؟ حضرتك اختارتيني ليه دي مصر كلها بتشتمني بسبب فشلي في تقديم فوازير رمضان، قالتلي لأنك كنتي كويسة بالنسبة لأول تجربة ومفيش قبلها تحضيرات، وكمان الدور كان ماشي معايا في حتة الباليه ومفيهوش تمثيل أوي».
وأضافت خلال لقائها مع الفنانة إسعاد يونس ببرنامج «صاحبة السعادة» المذاع على فضائية «cbc»: «لما كنت بروح التصوير كل يوم وأبص حوليا ألاقي مدام فاتن حمامة والفنان أحمد رمزي وجميل راتب وماكنتش مصدقة نفسي».
