«بس يا سيدي وقامت معيطة»

مش علشان أنت عايز تبان ضحية وسط كل اللي يعرفوك، وعندك نقص في الحنان، يبقى أنا لازم أدفع ضريبة كل ده يعني..

ممكن أكون ضايقتك.. ضغتَك.. زعلتَك.. كل ده وارد.. لأني إنسان.. لكن اللي مش وارد خالص هو اللت والعجن.. وأوقات كتير بيكون الهري..

لو حضرتك زعلان مني في حاجة، تعالي قولّي أنا، لأني ببساطة أنا صاحب الحكاية والموضوع، مالوش لازمة خالص، الحكاوي، علشان أكيد الحكاوي بتكتر من واحد للتاني.. 

والراجل الصح.. اللي يواجه، ويقول اللي عليه قبل اللي ليه..

أما بالنسبة للتشويه.. التشويه للأسف واخد جزء كبير من حياتك معرفش ليه.. هل أنت لما تمشي تشوه صورتي قدام الناس علشان أنت زعلان مني في موقف مُعين، كده أنت هتاخد جايزة مثلًا؟!

بص يا معلم، واجه وقولي اللي جواك ده لو أنت باقي على اللي بينا يعني، يا تسكت أحسن..

للأسف بقى في دلوقتي بنات كتيرة أرجل من ولاد بتفضل تتكلم على غيرها وتنهي كلامها بـ«بس يا سيدي وقامت معيطة».!!