حسناء مدرجات الزمالك بعد ضجة مباراة صن داونز: «ندمت إني رحت الاستاد»
قالت الفنانة دنيا الحلو، والتي عرفت باسم "حسناء مدرجات الزمالك"، على صفحتها عبر موقع التواصل الاجتماعي «فيس بوك»: «ندمت إني رحت للمدرجات، ولو كنت أعرف أن الضجة هتحصل مكنتش روحت».
وأضافت دنيا الحلو: «شكرا لكل حد بيبعتلي كلام حلو كده، وجمهور زمالك شكرا لكل حد بيبعتلي انتي كنتي الحاجة الوحيدة الحلوة في الماتش، بس بجد انا وصلت لدرجة ندمت إني رحت، ولو أنا حاجة حلوة فعلا فمش عايزاها ولا عايزة كل اللي بيحصل ده، لأني كنت رايحة أشجع النادي اللي بعشقه، وعشان كان اسم مصر هيترفع.. مش عشان صور تنزل وشبيهة صافيناز ولا الحلوة بزيادة ولاااا ولاااا، أنا فنانة ومن عيلة فنية بتشجع الزمالك طول عمرها واتربيت على حب الزمالك، شكرااا يا محترمين».
الفنانة دنيا الحلو، هي حفيدة مروض الأسود محمد الحلو، ومدربة الأسود الشهيرة، وتشتهر بعشقها لنادي الزمالك وللرياضة عمومًا، وظهرت من قبل على قناة "النهار" مع المذيعة الشابة فرح علي، لتحليل مباراة الأهلي وإنبي، في إطار الاستوديو النسائي الأول في مصر، 4 أغسطس الماضي، كما شاركت الحلو في الجزء الرابع من مسلسل "سلسال الدم".
