بالفيديو.. لقاء الخميسي: «غنيت مع فرقة وسط البلد والتمثيل خدني»
كشفت الفنانة لقاء الخميسي، خلال حلقة الليلة من برنامج «معكم» مع منى الشاذلي، قصة انضمامها لفريق «فؤاد ومنيب»، قائلةً: «أنا بحب دايمًا أسمع مزيكا وبدور على حاجات مختلفة ومن هنا عرفت منيب وأنا بسرش على الإنترنت وعملت له لايك».
وتابعت: «بعدها شاف اللايك وبعت لي على الماسنجر دعوة لحفلة في الأوبرا وبالصدفة كنت مكتئبة يومها وروحت الحفلة واكتشفت إني دي المزيكا اللي بحبها وبتغير مودي وكنت في منتهى السعادة إنى قابلت شباب عندهم الحس والطاقة وعندهم تفاؤل أنه فيه مزيكا هتغير ناس وشكرتهم وروحت البيت وكنت قاعدة بغني في العربية وأهلي صوروني ومنيب سمعني وقال لي صوتك حلو تغني فوافقت فورًا".
وفجرت لقاء مفاجأة لأول مرة خلال الحلقة حيث أكدت أنها كانت تغني في وقت سابق مع فرقة وسط البلد، وقالت: «عملنا أنا وفريق فؤاد ومنيب أغنية واستعنا فيها بصديق ليه كنت أعرفه من زمان هو الشاعر منتصر حجازي كنت بغني معاه زمان جدًا في فرقة وسط البلد أول ما جيت مصر وكنت صغيرة وقتها وكان وقتها واحد قريبي اسمه أحمد عمران بيعزف عود وهو اللي عرفني على فرقة وسط البلد لكن ماستمريتش فيها والتمثيل خدني».
