بالفيديو.. لقاء الخميسي: «أول مرة أغني كنت مخضوضة ومكسوفة»
كشفت الفنانة لقاء الخميسي، في حلقة الليلة من برنامج «معكم» مع منى الشاذلي، عن نيتها في الاستمرار في الغناء، وذكرت أنها تحلم بالغناء أمام الجمهور على المسرح بصورة مستمرة، وتكوين فرقة أندرجراوند خاصة بها، مضيفة: "أخدت خطوة، وناوية أكمِّل في الغنا، ومش هدفي من ده ربح مادي، لكن بحس بسعادة وأنا بغني واقفة ع المسرح لوحدي وأنا بغني، وإحساس الناس بيه حاجة عظيمة".
وتحدثت عن تجربتها الغنائية الأولى في مكتبة الإسكندرية مع فريق «فؤاد ومنيب»، قائلة: "كانت أول مرة أغني وأعمل الحاجة اللي بحبها من زمان وأنا صغيرة وأغني قدام جمهور، وكنت مخضوضة ومكسوفة ومتوترة جدًا، بس الناس كانت تجنن ومندمجة معانا وحسوا إننا كلنا فرحانين مع بعض ومش متصنعين، وفرقة «فؤاد ومنيب» بيعملوا مزيكا حلوة جدًا، وحبيتهم قوي".
