بالفيديو.. «أبطال الطائرة جلوس»: «مش عاوزين نصعب على حد»
كشف أبطال منتخب مصر للكرة الطائرة "جلوس" عن أكثر كلمة تسبب ضيق وإزعاج للمتحدى الاعاقة وهي "ربنا يشفيك".
وقال أحد أبطال المنتخب، خلال لقائهم مع الإعلامية منى الشاذلي ببرنامج «معكم»، إن كلمة "ربنا يشفيك" بتضايقنا لأن احنا عارفين إنه خلاص مفيش أمل، وإننا هنفضل بنحمد ربنا، فمفيش داعي بقى تتكرر، وعايز أقول خلاص الموضوع منتهي وعند ربنا، واحنا راضيين.
وأضاف آخر: "الناس كانوا يقعدوا يبصوا على رجليه ويحسسوني بالعجز، وكنت بتضايق قوى لدرجة إن كان فيه شوارع مش بمشي فيها بسبب كده، وكمان كان الناس يقعدوا يقولوا ياعنيي يا ابني ويتصعبوا علينا، وده بيضايقنا قوي".
كان البرنامج استضاف أبطال منتخب الكرة الطائرة "جلوس" داخل الاستوديو للاحتفال بحصولهم على الميدالية البرونزية في دورة الألعاب البارالمبية الأخيرة بريودي جانيرو بالبرازيل.
