ياما في الحبس غاليين «قصة مصورة»

في الدنيا ياما ندوق.. طعم الألم والشوق.. والاحتياج المر.. بس أصعب شيء.. نشوف ساعات الضيق.. في عيون حبيب العمر
يا رب يا مهون.. هونها على المساجين.. وازرع أمل فينا.. يا رب خلينا.. نصبر عشان لينا.. «في الحبس ناس غاليين».

 

رفعت إيدي دعيت.. اقف معانا يا رب.. ملوهش طعم البيت.. بدون وجود الأب.

 

اتكتمت الأنفاس.. ودموعي فضحوني.. وصعِبت على الحراس.. لما لمحوني.

 

عنيا جت في عنيك.. وشوقي ليك شدني.. وجريت بسرعة عليك.. بس الحديد صدني.

 

معلهش يا ابني بكيت... وعيوني نزفت دم.. سامحني يا ابني يا ريت.. متلومش قلب الأم.

 

يا مر إحساسي.. اليوم ده يوم مش سهل.. حديد القفص قاسي.. فرق ما بين الأهل.

 

أنا يا حبيبي مصدومة.. وقهري ماليني من جوة.. وببكي بصرخة مكتومة.. رغم تظاهري بالقوة.