رئيس التحرير
عصام كامل
Advertisements
Advertisements
Advertisements

بهلول المشغول: ما بنلحقش نفرح

فيتو

مابنلحقش نفرح
والحزن مابيطولش
بقينا دايما نسرح
في حال مابيتعدلش

نغرق ساعات
وندوب آهات
وغلبنا نشكى
وننعى اللى مات


قطر الصعيد
جاى من بعيد
واخد في وشه
فرحة العيد

ومركب صيد
راحت تصيد
زهرة شباب
حالم عنيد

وحكومة فاشلة
لجثثنا ناشلة
من فوق قضيب
ومن موجة هادرة

بتقول مافيش
ليكو عندى عيش
غير حد أدنى
ودا كمان بقشيش

استنوا بُكرة
في دماغنا فكرة
لمشاريع عملاقة
وعيشه رغدة

واحنا نصبر
وعيالنا تكبر
اتعلم ياابنى
ازاى تِكّبّر

كبر دماغك
وأحمد واشكر
واعزر أبوك
يس لما تكبر !!
Advertisements
الجريدة الرسمية