«حساسين» يهاجم «عجينة» بسبب الكشف عن عذرية الطالبات: «إنت خليتها كفتة»

هاجم النائب البرلماني سعيد حساسين، إلهامي عجينة، عضو مجلس النواب، بعد مطالبته بتوقيع حملة جديدة للكشف الطبي على الفتيات لإثبات عذريتهن، كشرط للقبول بالجامعات، منعًا لانتشار حالات الزواج العرفي بين طلاب الجامعة.

وقال "حساسين" خلال برنامجه «انفراد»، المذاع على قناة «العاصمة»: "يا عم إلهامي، إرحمني.. الشو مش كدا.. إيه ياعم عجينة العجن ده؟ ده انت عجنتها خالص وخليتها كفتة.. ارحمنا، ليس هكذا تؤكل الكتف يا عجينة".

وأضاف: "ياريت تبطَّل أم التصريحات دي، ده انت طلعت عين أمي.. كل يوم يطلعلك تصريح، ارحمني بقى، وهتخانق معاك في البرلمان شكلي كده".