إبراهيم فايق يرد على «صالح جمعة»: «سهر الكباريهات مخليك مش عارف تتكلم»

شن الإعلامي إبراهيم فايق هجومًا على صالح جمعة، لاعب النادي الأهلي، عبر حسابه الشخصي على «تويتر»، ردًا على مهاجمة "صالح" له.

وقال فايق: «حيث كده بقى بص يا حبيبي، انت لا صاحبي ولا يشرفني أصلًا.. أنا عارف إن السهر في الكباريهات للصبح مش مخليك عارف تفوق أصلًا، اللي بتشربه كتير.. جمهور الأهلي كبير أوووي، ومفيش لعيب أخلاقه كانت سيئة عرف يضحك عليه.. اقرا التاريخ كويس.. سوابقك وصورك وفضايحك سبقاك.. وجمهور الأهلي قافشك، وعقوباتك اللي فاتت متسجلة.. اللي زيك سراب هيعدي ومحدش هيفتكره عشان مش مقدر نعمة الأهلي.. وللتاريخ سيد عبد الحفيظ قالك بالنص آخر مرة وحذرك من السهر في الكباريهات.. ومن كام يوم رمى لك تليفونه وقالك اتفرج.. واتفرجت على كوارثك، ووصلت العقوبة للإدارة المالية وانت قعدت تتحايل عليه وتقوله كتير يا كابتن.. ولفيت على الناس تسأل هو فيه عقوبة كده؟».

كان "فايق" صرح في برنامجه أن "صالح" مهدد بالإيقاف لنهاية الموسم، وتم تغريمه مبلغ 700 ألف جنيه نظرًا لسهراته وتدخينه الشيشة وشربه الخمور.