"الشورى"آآآآه يا دماغى يانااااا

"من الدستور للشورى يا قلبى لا تحزن" قولنا خلاص هنخلص من الفلول وولاد النظام المخلوع نلاقيهم ناطولنا فى الشورى، ولأ كمان بيقولك بنحترم القانون والدستور... أأأأه يا دماغى يانااااا.


أثار قرار الرئيس "محمد مرسى" بتعيين بعض رموز النظام السابق فى مجلس الشورى والمخالف للمادة رقم 232 من الدستور المصرى الجديد، سخرية شباب "فيس بوك" والذين رأوا أن جماعة الإخوان نسخة طبق الأصل من النظام المخلوع فرق "الذقن" بس

فيتو كافيه رصدت تعليقات الشباب...


محسن فريد: يعنى إيه كوك زيرو ؟ يعنى الدستور يمنع الفلول من ممارسة الحياة السياسة، وبعدين مرسى يعينهم فى مجلس الشورى

هادى محمد: هو إزاااى يا شيخنا الإخوان بيقولوا الفلول ورا كل المصايب فى البلد وبعدين يعينوهم فى مجلس الشورى، بعدين مش قولتلك لا تناقش ولا تجادل يا أخ على !.

سماح على: بيقولك سنقضى عالفلول ورموز النظام السابق، طب إزاى وهم جايبنهم شلة فى الشورى ؟.

محمد حسين: اللى بنى مصر كان فى الأصل حلوانى.. واللى خرب مصر كان فى الأصل إخوانى.

أحمد اسماعيل: عزيزى المواطن: مع وجود الفلول ورموز النظام السابق فى مجلس الشورى، تحب تقول إيه ؟ أقولهم حسبنا الله ونعم الوكيل.

منار أدهم: قمة الاندهاش إنك تلاقى مرسى بيقول فى نهاية خطابه "أحترم الدستور والقانون".

أمانى عامر: "ديموقراطية" ومارسناله..."دستور" وطبخناله... "نهضة" ولبسناله نعمل إيه تااااااانى!.

كريم عبدالله: هل تعلم أن جمهورية مصر العربية الدولة الوحيدة على مستوى العالم التى لها رئيس له رئيس.. أحبيبتى أمصر ! لا تخرج قبل أن تقول سبحان الله.

فرح خالد: عايز أسأل جماعة الإخوان ؟ إنتوا مصدقين نفسكم ؟!.

هند رضا: بعد ما الفلول رجعوا الشورى، تقدر تقول يا ثورجى: "يا شماتة أبلة ظاظا فيا".