أحمد الغرباوي يكتب: «حبيبي.. أموت ولا أجرحك»
القصيدة المُغَنَّاة
حَبِيبي.. أمُوت وَلا أجْرَحَكْ..
حَبِيبِي..
زَعْلان مِنِّي؟
اتكلِّم.. قُول..
بَلاش تُسكُت.. وأنا
وأنا مِزعَّلَك؟
أموت يَا حَبيبِي
ولاحَرفِي يِجرحَك..!
.....
حَبِيبي..
زَعْلان مِنِّي؟
اتكلِّم.. قول..
سُكَاتك ضَلْمَة
وحِتَّة حِتَّة
حِسِّي بيتحِرِق
على مَذْبَحك..
جِوَّا صَمْتٍ
ماتسِبْنِيش أَصرُخ
وربِّي بَعبُدَك..
خَايْف أنَام
وروحِي تِنحِرِم
من جَنّتك..
.....
حَبِيبي..
زَعْلان مِنِّي؟
اتكلّم.. قول..
في سِرّى كِفايَة
يتعذّب بِيك حُبِّي
مخنوق وِسَجني عِشقِي
لا فِ يوم
حَسِّيت أسَى قَلبِي
ولا دَمعى خَبَّرك..
.....
حَبِيبي..
زَعْلان مِنِّي؟
اتكلّم.. قول..
بَلاش تِلومني
لأن الدُّنيْا كَانت
لرُوحِي مِخدَعك..
بَلاش تِعاتِبنِي
لأن الدُّنيْا كَانِت
لعَيْني مَطرحك..
بَلاش تِهجُرنِي
لأن الدُّنيْا
في عُمرِي يَا عُمرِي
كانت دُنيْتك..
.....
حَبِيبي..
زَعْلان مِنِّي؟
اتكلّم.. قول..؟
بلاش تُسكت..
ده لو زَعَّلتك أخَاف..
خايِف أغضِب ربِّي
وِهوَّه اللي كُلّ دَه
وهَبني مَحبتك..!
***
بقلم: أحمد الغرباوي
زَعْلان مِنِّي؟
اتكلّم.. قول..
بَلاش تِلومني
لأن الدُّنيْا كَانت
لرُوحِي مِخدَعك..
بَلاش تِعاتِبنِي
لأن الدُّنيْا كَانِت
لعَيْني مَطرحك..
بَلاش تِهجُرنِي
لأن الدُّنيْا
في عُمرِي يَا عُمرِي
كانت دُنيْتك..
.....
حَبِيبي..
زَعْلان مِنِّي؟
اتكلّم.. قول..؟
بلاش تُسكت..
ده لو زَعَّلتك أخَاف..
خايِف أغضِب ربِّي
وِهوَّه اللي كُلّ دَه
وهَبني مَحبتك..!
***
بقلم: أحمد الغرباوي