أب يوجه رسالة لطبيب بعد وفاة ابنته بسبب الإهمال

وجه محمد أحمد والد الطفلة نور عبر خدمة «واتس آب فيتو»، رسالة إلى الدكتور ع.ب المتسبب في موت ابنته التي كانت تعانى من اللوز.

وقال: دى نور بنتى ضنايا قلبى اللى كان ماشى على الأرض اللى فجأة اتحطت في كفنها غرقانة في دمها بسببك ياظالم، عملية لوز تقعد ساعتين ونص صفى فيها دم بنتى وكان كل هدفه إنه يبعدها عنه، فحرق كل زورها وبؤها من غير شفقة وﻻ رحمة عشان يوقف النزيف مؤقتا، وتخرج بنتى ترجع كتل دم، ويقول لنا ده طبيعي، ولو جيتيلى تانى أنا معرفكيش ونجرى بيها على الدكاترة يقولوا مستحيل تاكل تانى دى مكوية من جوا ونرجع له يقول بنتك كويسة بنتك محسودة".

وأضاف قائلًا:"11يوما وبنتى بتموت ومفيش أكل وﻻ شرب، وأنت عارف إنت عملت فيها إيه وساكت ومكتم، أنا بقولك انتقام الواحد القهار أشد من أي انتقام خدها من قلب أم حرقت قلبها على ضناها، زى ما غرقت بنتى في دمها ربنا ينتقم منك ياظالم، قصاد صرخة بنتى من الألم اللى فيها قصاد قلبى وقلب أمها اللى اتفطر عليها ربنا يرينى فيك عجائب قدرته".

وتتيح «فيتو» لقرائها التواصل الدائم معها عبر كل وسائل الاتصال الممكنة للأجهزة المختلفة، وهي «واتس آب whatsapp، سكايب skype، فايبر viber، لاين line، بي بي إم BBM، وكيك kik»، وذلك عبر الرقم «01270709070».