«آسف يا ريس»: «أرضنا راحت للسعودية بعد ثورة يناير»

سخرت صفحة «أنا آسف يا ريس»، المؤيدة للرئيس الأسبق حسنى مبارك، من نتائج ثورة 25 يناير 2011، وتردى بعض الأوضاع في البلاد.

وقال «أدمن»، الصفحة عبر موقع «فيس بوك»، اليوم الأربعاء: «الحمد لله إن ثورة 25 يناير نجحت وخلصتنا من مبارك قبل ما ياخد قرض من البنك الدولي بـ 12 مليار دولار، وقبل ما الدولار يبقي بـ 13 جنيها، وقبل ما يضيع الاحتياطي النقدي، وقبل ما الدين الخارجي يزيد 4 أضعاف، وقبل ما ياخد منح وقروض من الدول العربية، وقبل إثيوبيا ما تبني سد النهضة، وقبل تيران ما تبقى سعودية».

وأضاف: «وقبل ما دخل السياحة يبقى صفر، وقبل ما شرم الشيخ تبقى جمصة، وقبل البورصة ما تخسر ملايين كل يوم، وقبل ما المستثمرين تطفش، وقبل ما المصانع والشركات تسرح العمال وتقفل، قبل ما جرام الدهب ما يبقى أكتر من 500 جنيه، وقبل الأسعار ما تغلى 3 أضعاف كل يوم والتاني، وقبل الغاز والكهرباء ما يبقى سعرهم أضعاف، وقبل ما الأقباط يتهجروا من بيوتهم وتتقفل كنايسهم، وقبل الدعم ما يتشال تدريجيا، وقبل امتحانات الثانوية العامة ما تتسرب».