بشرى: «إحنا في إيدينا نعمر مصر بس المشكلة فينا»
نشرت الفنانة بشرى صورا جديدة لها عبر حسابها الشخصى على موقع الصور الشهير "إنستجرام" أثناء قيامها بجولة في أوروبا، وقارنت خلال الصورة بين مصر والعالم العربى وأوروبا.
وقالت: "في أوروبا والدول المتقدمة تقدر تعمل كدة في الشارع عادي..النكديين وأصحاب العقول الكئيبة يمتنعون"، مشيرة إلى أن الفرد في أوروبا يتمتع بحريته الشخصية ولا يتعرض لقيود كما يحدث في العالم العربى.
وتابعت: "إنجلترا عشان ماشية بقوانين كارت الشحن بتاع الكهربا ووسائل المواصلات مش رخيصة حتى المراحيض العامة بكوين يعنى بفلوس محدش معترض كله موافق على القوانين كله محترم نفسه ومحترم حكومته بيحطوا الزبالة في بوكسين بيفصلوها يعنى كيس في حفاضات الأطفال والورق وما شابه وفضلات الأكل أو الأكل عموما في بوكس تانى حاجة يعاد تصنيعها والأكل وفضلاته للحيوانات كل حاجة بالقانون ومابيعترضوش".
وأضافت:" المشكلة فينا ياسيدى الفاضل مصر عبارة عن حدود وأرض وسما وهوا المشكلة فينا إحنا إحنا في إيدنا نعمرها وفى إيدنا ندمرها أنا مصرية مصرية مصرية وافتخر بحبها بحلوها بمرها بحبها بنت الايه غريبة البلد دى".
