مقدم «الكورة مش مع عفيفي» يعلق على أزمة سيارات محمد رمضان

 علق الإعلامي أحمد عفيفي، مقدم برنامج «الكورة مش مع عفيفي»، على أزمة السيارتين الفارهتين اللتين اشتراهما الفنان محمد رمضان، وأثارتا استفزاز الجمهور، قائلاً: «من حقك وكبَّر مخك».

  ووجه "عفيفي" رسالة لـ"رمضان" عبر حسابه الخاص «فيس بوك» قال فيها: «عزيزي محمد رمضان، أنا الحقيقة مش من جمهورك ومبتفرجش على مسلسلات أصلًا، بس ده لا ينفي إنك نجحت، ومن حقك تفرح بنجاحك وتشتري بدل العربيتين 20 عربية مادام ده هيخليك مبسوط، دي فلوسك انت حر تمامًا فيها، فكرة إن الناس ترسخ في أذهانهم أن الفقر نُبل والثراء عيب والحزن عمق والسعادة تفاهة، فالأمراض النفسية دي مشكلة أصحابها مش مشكلتك، اتبسط بالطريقة اللي تريحك مادام مبتئذيش ومبتتعداش على حق حد، وأخيرًا أهديك كلمتي المحببة الصالحة لمواجهة أي وكل موقف قد يواجهك في أي يوم "كبَّر مخك"».