نهى عابدين: «عايزة راجل أحس معاه بالأمان»
أكدت الفنانة نهى عابدين، أن الأمان بالنسبة لها أن تعيش مع رجل يثق فيها، وقالت: "نفسي في رجل بجد يديني ثقة أنجح وأكبر، والرجل اللي أحس معاه بالأمان هو اللي ما يلغينيش ولا يقتل طموحي".
وأضافت نهى عابدين خلال برنامج «الستات مايعرفوش يكدبوا» المذاع على قناة «سي بي سي»: "أنا مش حالمة بزيادة ومش مادية فبعرف أوازن، ويوم ما هاجي أحب هحب راجل واثقة إنه بيتحمل المسئولية ومش بيخاف من نجاحي.. لكن مش هيبقى الأمان بالنسبة لي عشان غني ولا الفكرة في الفلوس.. لكن لما أبقى ضامنة يوم ما اتعب ولا يحصلي حاجة عمره ما هيتخلى عني".
