«القيصر بيغشش ثانوية» تكشف أسرار حصول «شاومينج» على الامتحانات

نشرت صفحة "القيصر بيغشش ثانوية"، إحدى صفحات الغش الإلكتروني على موقع التواصل الاجتماعي، "فيس بوك"، رسالة إلى وزارة التربية والتعليم، تؤكد فيها فشلها في كشف الشخصية الحقيقية لـ"شاومينج" ومعرفة طريقة تسريب الامتحان منذ عام 2012، والتي أكد أدمن الصفحة أنه كان يحصل عليها من خلال أحد الأشخاص المكلفين بنقل ورقة الامتحان من الإدارة وحتى مقر اللجنة.

وجاء نص الرسالة كالآتي: "هدية مني لوزارة التربية والتعليم الفاشلة ووزارة الداخلية اللي آخرها تبيع....، بما أنهم مش عارفين يشوفوا شغلهم كويس، بقالكوا 4 سنين بتدوروا على شاومينج ومفيش حد منكوا عرف يوصله".

"شاومينج أول ما بدأ في 2012 كان بيسرق البوستات من بيدج اسمها تسريبات الثانوية العامية، كان اللي عاملها واحد اسمه الدبيكي من المنيا والدبيكي دا كان بيسرب الامتحان قبل اللجنة عن طريق الناس اللي بتنقل الامتحان من الإدارة للجنة الامتحان، وبيبيعه، كان بيقابل الناس على الطريق ومعاه لاب وكاميرا اسكنر فيروح بولاعة ع الظرف بتاع الأسئلة من برا كدا ويسخن الشمع لحد ما يفك ويروح ساحب ورقة وواخدها اسكنر على اللاب وحاططها في الظرف تاني ويقفل الظرف ولا كأن أي حاجة حصلت ويقبض الناس وخلاص على كدا".

أضاف: "شاومينج بقى من إسكندرية واسمه محمود وابن خالته كان على البيدج في 2012 بيعمله كومنتات اسمه إبراهيم أحمد، والأكونت اللي معمول بيه البيدج اللي كانت وصلت لـ700 ألف".