رئيس التحرير
عصام كامل
Advertisements
Advertisements
Advertisements

«ماحناش غزاة» قصيدة لـ«‫عبدالتواب محمد»‬

‫عبدالتواب محمد
‫عبدالتواب محمد

ماحناش غُزاه
بس انتى فعلًا مقبره
يا مصممه يا مصدقه
يا معلقالنا المشنقه
الحق عُمرُه ما جاب وره
سايق عليكى الأوليا

والشُهدا ودموع الوَلايا
وكل من حارب فـ سينا
قولى لرُصاص الأغبيا
الموت عشانِك لينا غايه
يمكن يعِزوا الموت علينا
ويعدى يوم من غيى م اقابل صاحبى بدموع وإنكسار
بيقول زميلنا فـ الجامعة إتقتل
م اعرفش أرد
مش فارقه عندى يموت شهيد
مش فارقه عندى يموت بطل
معاكى كان أو حتى ضد
انا فارقه عندى حاجات كتيره بـ أحسها
ساعة ما اشوف حرقة قلوب الأمهات
والدم على كُتب التاريخ والفلسفه والجبر
وبنت ضايع حقها
و أُم فارق حُضنها.عيل عشان يسكن فـ قبر
يا حاره سد رغم إتساعك ع الشاشات
قوليلى إمتى هـ تفهمى إن إحنا منك مش عِدا
ما تصدقيش التسريبات
ما تصدقيش التوكيلات
ما تصدقيش التفويضات
خليكى أكبر من كده
يا وطن وبتسوء سُمعتُه
وكأنه رافض عِزته
انا مش بـ أعادى انا مش بـ اثور
صدقى صاحبى اللى مات
وهو رايح جامعِتُه
لو ذاعوا فـ النشره الليلادى
صوتُه من جوه القبور
Advertisements
الجريدة الرسمية