تامر حسني يكشف عن مفاجآت بألبومه الجديد «عمري ابتدا»
وجه النجم تامر حسني رسالة لكل محبيه بمناسبة قرب طرح ألبومه الجديد الذي يحمل عنوان «عمري ابتدا».
و كتب تامر عبر صفحته الشخصية على موقع التواصل الاجتماعي "فيس بوك" قائلًا: «في الحقيقة كنت هكتب الكلام ده يوم إصدار الألبوم لكن اللي شوفته من ردود أفعالكم على الصورة خلاني أحس إني نزلت الألبوم والأهم خلاني أحس بحالة حب جميلة من ناس أجمل والله فرحان بجد بيكو من كل قلبي شكرًا لكل الناس الجميلة اللي روحها طيبة اللي باركتلي على صورة الألبوم بجد ربنا يفرحكوا زي مافرحتوني بكلامكو».
وتابع «أوعدكوا بألبوم مختلف إن شاء الله فيه مجهود غير طبيعي وهتحسوا ده بنفسكو من أول أغنية لآخر أغنية من حيث الكلمات والألحان والتوزيع والغناء والتطوير والجودة شكرًا لكل الفنانين الكبار المحترمين اللي صنعوا الألبوم وعشان كده أنا هحرقلكم حاجة».
وأضاف «أنا جوه الغلاف كاتب جملة خاصة على صورة كبيرة الجملة دي بهديها لكل حد حبني وصدق موهبتي من أول ما طلعت أو حتى مؤخرًا والله كل كلمة طيبة بشوفها عني مكتوبة منكم بتأثر فيا بجد الجملة هي (شكرًا إنك في حياتي ) وزي مانتوا غالين عندي كده.
أنا واثق أن كل حد فيكم عنده فحياته حد نفسه يقوله( شكرًا إنك في حياتي) انا عن نفسي الحد ده هو انتوا» وحدد تامر موسم عيد الفطر كموعد نهائي لطرح أحدث ألبوماته "عمري ابتدا".
