أحمد سعيد يفتح النار على خالد الغندور

شن الإعلامي أحمد سعيد، رئيس قناة «crt»، المغلقة منذ فترة هجوما ضاريا على الإعلامي الرياضي خالد الغندور، عبر صفحته الشخصية بموقع التواصل الاجتماعي «فيس بوك»، بعد الانتقادات التي وجهها إليه الأخير خلال حلقة الليلة من برنامجه اللعبة الحلوة، على شاشة «ltc».

وقال «سعيد»: «حد قال ليا إن خالد الغندور اتكلم عني النهارده وقال إن إداري ناجح والدليل غلق قناة crt.. أولا يا خالد crt ده كانت رقم 12 في الشهر التاني ثانيا اللي حققته من أول يوم مشاهدة محققتوش أنت من (.....)، أما موضوع أنها قفلت فأنت اكتر واحد عارف قفلت ليه».

وأضاف «سعيد»: «ثانيا.. أنا مجبتش سيرتك لا من قريب ولا من بعيد، أما لو أخدت أي قناة أو اشتغلت أكيد طبعا مش هشتغل معاك لأنك محايد أوي وجماهيريتك في السما والدليل لما كتبت إنك ماشي من ltc لو كنت قريت التعليقات اللي مكتوبة عليك كنت هتعرف مكانك فين من قلوب الناس ومن أقرب زملائك اللي كل يوم يتسبوا عشان تحقق مشاهدة وبذمتك حد يشتغل مع سيد عبد الحفيظ ويستضيف بيبو وبعد كده يرجع يشتغل معاك.. وأكيد إحنا ميشرفناش نشتغل مع بعض لأنك راجل محترم ومحايد وأنا مريض نفسي ومثير للشفقة وعندي حرقان من كل حاجة لونها أحمر»، في إشارة إلى هجوم الغندور الدائم على النادي الأهلي ولاعبيه.

ودعا أحمد سعيد الغندور لمناظرة قائلًا: «اتكلم قدامي في مناظرة ومترميش كلمة وتدخل حد تاني في جملة معانا خلينا مننا لبعض تحياتي».