«حبيبتي.. ليه.. ليه خنتي» قصيدة لـ«أحمد الغرباوي»

حَبيبتي..
ليه.. ليه خُنتي..؟

في حُضني
إنتي..
لا قَادر أبْعدك
عَنّي..!
ولا عَارف أَهْرب
مِنّي..!

هِيّا دي..
هِيّا دي خَلاص
نهايتي..!

رَايْحة جَايّة
على جدران
أوضتي..!
بَسمك إزاز
مِرايتي..!
عَايزة تِمسحي
دَمعي..!

ببساطة كِده
تِقفلي جَرح
بيهدر موجا في
نَزفي..!

ليه..
ليه يا حبيبتي
خُنتي..؟
خُنتي..؟
،،،،،
ضِلٌ أبدا
ما فارق جِذعي
كُنتي..!

ورقة ساكنة
فِ غُصني ربيع
عُمري..!

خُضرة يانعة فِ
سَتري..!
لاخريف معرّيني
ولا بُكا شَرد
فاضحني..!

والشجرة اللى
بجوارها كل يوم
تِمشي..
ويّا عطرك
واللا حتى عَرقك
يتريّض حَولها
شِعري..!
حرف.. حرف
هوّه دوح
وردي..!

والقلب اللاهث
وراه قلبي
يجري..
كان بيسبّح
وينبض بيكي
فَجري..!

بَسّ يا حبيبتي
راسي فِ حِجرك
مِتمرغ فِ جينزك
ويّاكِ صاحي
سَحري..!


وجُرأة فِ نَفَسِك
يَخشى بَلعها حَيْا
عِشقي..!

ويربخ شَجني
في ضيْم
حُبّي..!
،،،،
وعَ المحطة
واقف من
بدري..
ولمّا يرضى ربّى
ويأمر ييجي في
زَمني..
من حُضني
تِسرقِ قلبي و
تخبّي..!
ومن جنبي تلبّي
نِدا صاحبي و
تِسافري..!

وعَ الرصيف تسيبني
ليه.. ليه سيبتني
وَحدي..!
،،،،،
ليه..
ليه.. يا حبيبتي
خُنتي..؟

إحساس كبير
ضيعتي..؟
وبكارة قلب
اغتصبتي..؟
وجنين حُبّ
قتلتي..؟
وعِشق روحى
وأدتي..؟

وعَ المحطة النهاردة
لقلبى عَايْزة
تردّي..
حِتّة لحم
وقد مات فيها
شّغفي..!
حِتّة لحم
وقد مات فيها
إنتي..!
إنتي..!
،،،،،،
في حُضني
إنتي..
لا قادر أبعدك
عني..؟
ولا عارف أهرب
مِنّي..؟
ليه..
ليه.. يا حبيبتي
خُنتي..؟

يا ترى..
هِيّا كِده
إنتي..؟
واللا أنا.. أنا
اللى مِش عاوز
أشوفك كِده
حقيقتي..؟

مش عاوز
أشوفك كده
حبيبتي..؟
،،،،
ليه..؟
ليه.. يا حبيبتي
خُنتي..؟
خُنتي..؟
*****