«الرداد» لجمهوره: «سامو عليكوا».. ونشطاء: «مفيش في دماغك غير البنات»
شن مستخدمو موقع التواصل الاجتماعى «فيس بوك»، هجوما حادا على الفنان حسن الرداد، بعدما نشر الأخير صورة له عبر صفحته الشخصية بالموقع وعلق عليها قائلا: «سامو عليكوا».
وقال أحد النشطاء ويدعى أحمد: «لا حول ولا قوة إلا بالله، حتى السلام عليكو بقوا يدلعوها اتقوا ربنا شوية، اسمها يا أستاذ حسن السلام عليكم ورحمة الله وبركاته»، وأضاف آخر: "انتوا اللي عيشنها ولا في دمغاكوا أي حاجة، بدال من انت منزل صورة ليك نزل صورة لسورية تحت القصف، على الأقل الناس تحبك شوية، ولا انت مفيش في دماغك غير البنات والمعجبات".
وأضاف: أنا مش بكرهك، بس المفروض تكون حاجة مشرفة لينا وشكرا»، بينما قالت علا: «أستاذ حسن مع احترامي ليك بس كل الناس الفترة دي زعلانة ومجروحة على سوريا، وانت بتنزل صور مش مناسبة في توقيتها، بس أنا بحبك كتير طبعا».
يذكر أن "الرداد" تعاقد على الظهور كضيف شرف، في إحدى حلقات مسلسل «لغز ميكى»، المقرر عرضه رمضان المقبل، أمام الفنانتين دنيا وإيمى سمير غانم.
