نشطاء «تويتر» يسخرون من موجة الحر الشديدة.. سعد: «الشمس هتسودني»..يوسف: «ميصحش كده».. نها: «والله هنسيح السنة دي».. أحمد: «المفروض يسلموا مزيل عرق مع التمو

دشن نشطاء مواقع التواصل الاجتماعي، هاشتاج "كلمة للصيف والحر"، متصدرًا تراند مصر على "تويتر"، حيث عبر النشطاء عن عدم قدرتهم على السير في الطرق نتيجة الحر الشديد الذي يضرب مصر هذه الأيام، البعض سخر من تلك الموجة مطالبًا الحكومة بتوزيع ثلاجات محمولة على المصريين، فيما عبر آخرون عن اشتياقهم لعودة الشتاء مرة أخرى بسبب هذه الموجة شديدة الحرارة.

ميصحش كده
وقال محمد سعد، "كلمة للصيف والحر الحقنى يامعتز الشمس هتسودنى"، وأضاف يوسف محمد "ميصحش كده.. كلمة للصيف والحر"

وعلقت نها سنبل، "كلمة للصيف والحر عيب كده والله هنسيح من الحر السنة دي كل ماأخرج أرجع بضربة شمس واتحرق، طب إيه مفيش تلاجة يد هدية... لكل مواطن".

ورد محمد السيد، "هو إيه حكاية الصيف يجي اشتاق للشتا ولما الشتا يجي اشتاق للصيف؟!.. كلمه للصيف والحر"، وتابع يوسف صابر العدل، "خـشـوا بـرجـلـكـوا الـيـمـيـن أبـوس إيـديـكم ـ.. كلمة للصيف والحر".

مزيل عرق
وقال أحمد عباس، "المفروض يسلموا مع التموين.. مزيل عرق لدواعي أمنية.. الريحة مش بيس.. كلمة للصيف والحر"، وأضاف خالد، "كلمة للصيف والحر.. واحدة واحدة ميصحش كده والله احنا علشان مبنحبش الشتاء تعمل فينا".

وعلق محمد فرحات، "كلمه للصيف والحر.. لو سمحتوا ياجماعة اللى شايل سلك التكييف يشغله تانى"، وتابع عصام محمد، "اخلص امتحانات وأروح مارينا وأعمل اللي انا عاوزة.. كلمة للصيف والحر".

ورد أحمد حسين، "حرام عليك يا أخي ليه كده.. كلمة للصيف والحر"

وقعنا في الفخ
وقال زملكاوي، "كلمة للصيف والحر لقد وقعنا في الفخ لقد تشعوطنا في الفحم ونفسنا نروح البحر.. يا معلم انت كل ما تشد في حرارتك انا كمان بخف من الهدوم ويا انا يا انت يا فللي".

وأضافت حسناء، "كلمة للصيف والحر.. هو احنا مزعلينك في حاجة"، وعلق كريم منصور "واحدة واحدة مش كده.. احنا آسفين إننا كنا بنقول ياريت الصيف يجي.. كلمة للصيف والحر".

ورد كريم أحمد، "خليك حنين علينا شويه وحياة أمك لحد منخلص الامتحانات.. كلمة للصيف والحر"، وتابعت دان محمد، "كلمة للصيف والحر.. حرام عليك مش عارف انزل أشرب حجرين".

وقال محمد جمال محمد، "كلمة للصيف والحر.. انتو واخدين الموضوع بجد بنهزر معاكوا رجعوا الشتا"، وعلق مصطفى "حرام عليك ياخى انا مبخروجش من الحمام.. كلمة للصيف والحر".

وأضافت د. دورا "كااس بيبسي ومكعبين ثلج يظبطوا ف الحر ده.. كلمه للصيف والحر"،ورد عبد العزيز البيك "التليفون هو كمان هنج من شدة الحر.. كلمة للصيف والحر".