شركة سياحية تنشر تعليقا ساخرا عن رحلة اختطاف الطائرة.. «lions trip» تقاضي «ديلي ميل» بسبب الإعلان.. نشطاء: ربنا يكرم ويكون اللي خاطف مزاجه رايق ويطلع البرازيل.. إيمي: أنا طالعة بنف
أعادت شركة السياحة المصرية "ليونز ترب lions trip" نشر التدوينة، التي ذكرت ديلي ميل إنها تشوه صورة مصر خارجيًا، وقررت الشركة رفع دعوى قضائية على الصحيفة متهمة لها بالتشهير.
الدعاية الساخرة التي كتبتها الشركة مستغلة حادث اختطاف الطائرة المصرية لاقت قبول بعض نشطاء مواقع التواصل الاجتماعي، في حين أكد آخرون رفضهم لهذا النوع من الدعاية.
فقد أعادت الشركة إعلانها الساخر عبر صفحتها على فيس بوك "الرحلة الخميس الجاي باص من العباسية للغردقة يخت من الغردقة لجزيرة الجيفتون السعر ١٨٠ج شامل الوجبة وأدوات السنوركلينج والخطف حضرتك" بعنوان "اتخطف أنت وأصحابك مع لايونز ف الغردقة".
دعوى قضائية
وقال نشطاء تعليقا على ما نشر "احنا هنرفع قضية على ديلي ميل البريطانية عشان شهروا بينا- احنا فقرا يلااااا" وعلق كرم فؤاد "ربنا يكرم ويكون اللي خاطف مزاجه رايق ويطلع البرازيل ولا أي حتى حلوة كده".
وقال شريف أبو تريكة "الله يبارك لكم شوفوا اللى هيخطفنا هيودينا فين أولا لو قبرص ماشي تركيا ماشي باريس ماشي إنما يرجع بينا على مصر أهو ده اللى مش ماشي".
وسخرت إيمي غنيمي "أنا طالعة بنفرين يمكن تذكرة تودينى قبرص والتانية باريس ويبقى الزهر لعب معانا" وأضاف وليد ناصر "بلاش طيارات يا رجالة اليومين دول أديكو شايفين اللي بيحصل".
وردت شركة ليونز "الرحلة أصلا بباصات مرسيدس مكيفة احنا بنهزر ف موضوع الطيارة لكن الخطف موجود. الرحلة بجد لكن الخطف هزار طبعا".
ممكن أتخطف
وعلق مصطفى رزة "أناعايز أتخطف وأروح السعودية فلو أنتو شركه قولوا للخاطف يطلع على السعودية نعمل عمرة ونرجع تاني".
وتابعت زينة حسين "هو لما يخطفوا المصريين ويوديهم قبرص يبقي ده اسمه خطف؟! ده حلم كل شاب وبنت مصريين! حضرتك أنا ممكن أتخطف".
فرست كلاس
وسخرت لميس عبد الحليم خطاب "من فضلكم.. رحلة الخطف ذهاب وعودة ولا ذهاب بس؟ ولو ينفع أحدد البلد اللى هنتخطف فيها.. مش بحب المفاجآت عايزة أحجز ١١ تذكرة شرم الشيخ ونتخطف على إيطاليا ونرجع بعد أسبوعين لو سمحت بس فرست كلاس".
روح الهزيمة
في حين رفضت إيفون مرجان سخرية الشركة واستغلالها لخطف الطائرة المصري قائلة "أنا زعلانة جدًا منكم كلكم على روح الهزيمة اللي عندكم دي كلها لأني في نفس التوقيت سافرت من مصر لأستراليا وكان كل شيء على ما يرام لكن لو واحد مخادع ادعى أي شيء فلا بد لسلامة الجميع أن يضع كلامه في الاعتبار حتى ولو ١/ ١٠٠٠٠ وده يحسب لشركة الطيران وليس ضدها وكفاكم بالله روح الهزيمة اللي عايشة جواكم.
اشكروا ربنا على اللي أصبحت فيه مصر ولا كان عاجبكم اللي كانت فيه مصر من سنوات قليلة. وعلي كل حال حوادث خطف الطائرات الحقيقية بتحدث مع أكبر شركات الطيران العالمية".
وعلق باسم غالي "سيادة الرئيس عبد الفتاح السيسي بالصور.. شركة سياحة تشوه مصر وتثير استياء وسائل الإعلام الدولية نتمنى اتخاذ اللازم".
يذكر أن صحيفة ديلي ميل البريطانية كتبت عبر موقعها "استغلت شركة "ليونز للرحلات" السياحية حادثة اختطاف طائرة برج العرب يوم الثلاثاء الماضي، للترويج لنفسها واتباع دعاية ساخرة ساهمت في تشويه صورة مصر خارجيا، قائلة على صفحتها بموقع التواصل الاجتماعى "فيس بوك"، "احجز معانا رحلة للغردقة الخميس 7 أبريل وممكن تتخطف وتروح قبرص بـ١٨٠ ج بس".
ووصفت الصحيفة البريطانية رسالة الشركة بــ"الوقحة"، مشيرة إلى استغلالها حادث اختطاف طائرة برج العرب أمس على يد "سيف الدين مصطفى" لنشر دعايتها.
وأثارت هذه الرسالة الغضب على موقع الإنترنت، واعتبرها العديد أن الشركة "بلا قلب"، بسبب استغلالها لحادث مأسوي في الترويج لمثل هذا النوع من الدعاية.
